ಪುತ್ತೂರು: ಪುತ್ತೂರು ಒಕ್ಕಲಿಗ ಗೌಡ ಸೇವಾ ಸಂಘ, ಯುವ ಒಕ್ಕಲಿಗ ಗೌಡ ಸೇವಾ ಸಂಘ, ಯುವ ಒಕ್ಕಲಿಗ ಗೌಡ ಸೇವಾ ಸಂಘ ಪುತ್ತೂರು ವಲಯದ ಆಶ್ರಯದಲ್ಲಿ ಪುತ್ತೂರು ತಾಲೂಕು ಮಟ್ಟದ ಯುವ ಕ್ರೀಡಾ ಸಂಭ್ರಮ 2022 ಡಿ. 25ರಂದು ಬೆಳಿಗ್ಗೆ 9 ಗಂಟೆಗೆ ಕೊಂಬೆಟ್ಟು ಸರಕಾರಿ ಪದವಿ ಪೂರ್ವ ಕಾಲೇಜಿನ ಕ್ರೀಡಾಂಗಣದಲ್ಲಿ ನಡೆಯಲಿದೆ.
7 ವಲಯದ ತಂಡಗಳ ಕ್ರೀಡೋತ್ಸವ ಇದಾಗಿದ್ದು, ವಿವಿಧ ಸ್ಪರ್ಧೆಗಳು ನಡೆಯಲಿದೆ. ಪುರುಷರಿಗೆ ಕಬಡ್ಡಿ, ವಾಲಿಬಾಲ್, ಹಗ್ಗಜಗ್ಗಾಟ, ಕ್ರಿಕೆಟ್ ನಡೆಯಲಿದೆ. ಹಗ್ಗಜಗ್ಗಾಟಕ್ಕೆ 9 ಜನರ ತಂಡ ಭಾಗವಹಿಸಬಹುದು. ಮಹಿಳೆಯರಿಗೆ ತ್ರೋಬಾಲ್, ಹಗಜಗ್ಗಾಟ ನಡೆಯಲಿದ್ದು, ಇದರಲ್ಲಿಯೂ 9 ಜನರ ತಂಡ ಭಾಗವಹಿಸಬಹುದು. ಅಲ್ಲದೇ, ಮಹಿಳೆಯರಿಗೆ 4*100 ರಿಲೇ ನಡೆಯಲಿದೆ. ಪ್ರೌಢಶಾಲಾ ವಿಭಾಗದ ಬಾಲಕಿಯರನ್ನೊಳಗೊಂಡ ತಂಡ ಕಬಡ್ಡಿಯಲ್ಲಿ ಭಾಗವಹಿಸಬಹುದು. ಬಾಲಕರಿಗೆ ಕಬಡ್ಡಿ, 100 ಮೀ. ಓಟ, 400 ಮೀ ಓಟ ನಡೆಯಲಿದೆ. ಬಾಲಕಿಯರಿಗೆ 100 ಮೀ. ಓಟ, 400 ಮೀ. ಓಟ ನಡೆಯಲಿದೆ.
50 ವರ್ಷ ಮೇಲ್ಪಟ್ಟ ಪುರುಷರಿಗೆ ಗುಂಡು ಎಸೆತ, 100 ಮೀ. ಓಟ ಹಾಗೂ ಮಹಿಳೆಯರಿಗೆ ಗುಂಡು ಎಸೆತ 100 ಮೀ. ಓಟ ನಡೆಯಲಿದೆ. ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಬಾಲಕರು ಹಾಗೂ ಬಾಲಕಿಯರಿಗೆ 4*100 ರಿಲೇ ನಡೆಯಲಿದೆ ಎಂದು ಯುವ ಗೌಡ ಸಂಘದ ಅಧ್ಯಕ್ಷ ನಾಗೇಶ್ ಕೆ. ಕೆಡೆಂಜಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
