12 ಸಾವಿರ ವರ್ಷಗಳ ಬಳಿಕ ಸ್ಫೊಟಿಸಿದ ಜ್ವಾಲಾಮುಖಿ
ನವದೆಹಲಿ : ಇಥಿಯೋಪಿಯಾದ ಹೈಲಿ ಗುಬ್ಬಿ ಜ್ವಾಲಾಮುಖಿ 12 ಸಾವಿರ ವರ್ಷಗಳ ಬಳಿಕ ಸ್ಫೋಟಗೊಂಡಿದ್ದು, ಇದರ ಬೂದಿ ಸೋಮವಾರ ರಾತ್ರಿ ದೆಹಲಿ ತಲುಪಿದೆ. ಹವಾಮಾನ ಇಲಾಖೆ ಈವಿದ್ಯಮಾನವನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದೆ. ಮೊದಲೇ ದೆಹಲಿ ವಾಯುಮಾಲಿನ್ಯ ಸಮಸ್ಯೆಯಿಂದ ಬಳಲುತ್ತಿದೆ. ಇದರೊಂದಿಗೆ ಜ್ವಾಲಾಮುಖಿಯ ಬೂದಿಯೂ ಸೇರಿಕೊಂಡರೆ ಪರಿಸ್ಥಿತಿ ಬಿಗಡಾಯಿಸುವ ಆತಂಕವಿದೆ.
ಮೋಡದಂತಿರುವ ಬೂದಿ ವಾಯುವ್ಯ ಭಾರತದ ಕಡೆಗೆ ಗಂಟೆಗೆ ಸುಮಾರು 130 ಕಿ.ಮೀ ವೇಗದಲ್ಲಿ ಗಾಳಿಯೊಂದಿಗೆ ಚಲಿಸುತ್ತಿದೆ. ಭಾನುವಾರ ಜ್ವಾಲಾಮುಖಿ ಸ್ಫೋಟಗೊಂಡ ನಂತರ ಈ ಸಂಪೂರ್ಣ ಘಟನೆ ಸಂಭವಿಸಿದೆ. 12,000 ವರ್ಷಗಳಲ್ಲಿ ಇದು ಮೊದಲ ಸ್ಫೋಟವಾಗಿದೆ. ಹೊಗೆ ರಾಜಸ್ಥಾನ, ಹರಿಯಾಣ ಮತ್ತು ದೆಹಲಿಯ ಕೆಲವು ಭಾಗಗಳಿಗೆ ಹರಡಿದೆ.
ರಾಜಸ್ಥಾನದ ಜೋಧ್ಪುರ-ಜೈಸಲಮೇರ್ ಭಾಗದಿಂದಾಗಿ ಜ್ವಾಲಾಮುಖಿಯ ಬೂದಿ ಭಾರತಕ್ಕೆ ಪ್ರವೇಶಿಸಿದೆ. ಅದರ ಒಂದು ಭಾಗ ಗುಜರಾತ್ ತಲುಪುವ ನಿರೀಕ್ಷೆಯಿದೆ. ಪಂಜಾಬ್, ಉತ್ತರ ಪ್ರದೇಶದ ಕೆಳಭಾಗ ಮತ್ತು ಹಿಮಾಚಲ ಪ್ರದೇಶದ ಕೆಲವು ಭಾಗಗಳಲ್ಲಿ ಗೋಚರಿಸಬಹುದು. ತಜ್ಞರು ಹೇಳುವಂತೆ ಬೂದಿ ತುಂಬಾ ದಟ್ಟವಾಗಿದ್ದು ಅದು ನೆಲಕ್ಕೆ ಯಾವುದೇ ಆರೋಗ್ಯದ ಅಪಾಯವನ್ನುಂಟುಮಾಡುವುದಿಲ್ಲ, ಆದರೆ ಕೆಲವು ಕಣಗಳು ಬೀಳಬಹುದು. ಸೂರ್ಯ ಉದಯಿಸಿದಾಗ ವಿಚಿತ್ರ ಬಣ್ಣಗಳಲ್ಲಿ ಗೋಚರಿಸಬಹುದು. ವಿಮಾನಯಾನ ಸಂಸ್ಥೆಗಳಿಗೆ ಎಚ್ಚರಿಕೆ ನೀಡಲಾಗಿದೆ.