ಪುತ್ತೂರು: ಯೂನಿಯನ್ ಬ್ಯಾಂಕ್‍ ಪೆರ್ಲಂಪಾಡಿ ಶಾಖೆಯಲ್ಲಿ ಮುಖ್ಯ ಕ್ಯಾಶಿಯರ್ ಆಗಿದ್ದ ಸುಬ್ಬಪ್ಪ ಪಾಟಾಳಿ ವಯೋ ನಿವೃತ್ತಿ ಹೊಂದಿದ್ದು, ಅವರಿಗೆ ಪೆರ್ಲಂಪಾಡಿ ಹಿರಿಯ ನಾಗರಿಕರಿಂದ ಬೀಳ್ಕೊಡುಗೆ ಕಾರ್ಯಕ್ರಮ ನಡೆಯಿತು.
ಪೆರ್ಲಂಪಾಡಿ ನಾಗರಿಕರು ಸುಬ್ಬಪ್ಪ ಪಾಟಾಳಿಯವರಿಗೆ ಹಾರ ಹಾಕಿ, ಸ್ಮರಣಿಕೆ, ಫಲಪುಷ್ಪ ನೀಡಿ ಗೌರವಿಸಿದರು.
ವೇದಿಕೆಯಲ್ಲಿ ಕಟ್ಟಡ ಮಾಲಕರಾದ ಶಿವರಾಮ ಭಟ್ಟ ಬಿರ್ಣಕಜೆ, ಬ್ಯಾಂಕ್‍ ಪ್ರಬಂಧಕ ಅಪ್ಪಯ್ಯ ಕೆ.ಸಿ., ಸುಬ್ಬಪ್ಪ ಪಾಟಾಳಿಯವರ ತಾಯಿ ಗಿರಿಜ, ಸಿ.ಎ. ಬ್ಯಾಂಕ್‍ ಕಾರ್ಯನಿರ್ವಹಣಾಧಿಕಾರಿ ಗಿರಿಜ ಕೆ. ಉಪಸ್ಥಿತರಿದ್ದರು. ಸತೀಶ್‍ ಪಾಂಬಾರು ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು. ಗಿರೀಶ ಪಾದೆಕಲ್ಲು ವಂದಿಸಿದರು.
