ಪುತ್ತೂರು: ಗೃಹರಕ್ಷಕ ದಳ ಪುತ್ತೂರು ಘಟಕದ ಸಿಬ್ಬಂದಿಗಳಿಗೆ ಸನ್ಮಾನ ಕಾರ್ಯಕ್ರಮ ಹಮ್ಮಿಕೊಳ್ಳಲಾಯಿತು.
ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಚಿನ್ನದ ಪದಕ ಪಡೆದ ಪಿ.ಜಗನ್ನಾಥ ಮತ್ತು ಲಘು ಮತ್ತು ಪ್ರವಾಹ ರಕ್ಷಣಾ ತರಬೇತಿಯಲ್ಲಿ ಚಿನ್ನದ ಪದಕ ಪಡೆದ ಎಸ್.ಕೇಶವ ಅವರಿಗೆ ಸನ್ಮಾನ ಕಾರ್ಯಕ್ರಮ ನೇರವೇರಿಸಿದರು
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಮುಳಿಯ ಸಂಸ್ಥೆಯ ಕೃಷ್ಣವೇಣಿ ಮಾತನಾಡಿ, ನಿಷ್ಕಾಮ ಸೇವೆ ಮಾಡುವ ಸಿಬ್ಬಂದಿಗಳು ದೇವರಿಗೆ ಸಮಾನರು ಎಂದು ಹೇಳಿದರು.
ಇಲಾಖಾ ಮುಖ್ಯಸ್ಥ ಡಾ ಮುರಳಿಮೋಹನ್ ಚೂಂತಾರು, ಮುಂದಿನ ದಿನಗಳಲ್ಲಿ ಇನ್ನಷ್ಟು ಯುವಕರು ನಿಷ್ಕಾಮ ಸೇವೆಗೆ ಸೇರುವಂತೆ ತಿಳಿಸಿದ ಅವರು, ನಮ್ಮ ಸಿಬ್ಬಂದಿಗಳಿಗೆ ಒಂದು ಸೂರು ಕಲ್ಪಿಸುವ ಬಗ್ಗೆ ಮನವಿ ಮಾಡಿದರು. ಘಟಕಾಧಿಕಾರಿ ಅಭಿಮನ್ಯು ರೈ, ಸಾರ್ಜೆಂಟ್ ಸುದರ್ಶನ್ ಜೈನ್, ದಿವಾಕರ್, ಗೃಹರಕ್ಷಕ ಸಿಬ್ಬಂದಿಗಳು ಉಪಸ್ಥಿತರಿದ್ದರು.