ಪುತ್ತೂರು: ಎಸ್ ಪಿ ವೈ ಎಸ್ ಎಸ್ ವತಿಯಿಂದ ಯೋಗಜೀವನ ದರ್ಶನ – 2024 ಜಿಲ್ಲಾ ಮಟ್ಟದ ಯೋಗ ಪ್ರಶಿಕ್ಷಣ ಶಿಬಿರ ಮೇ. 9 ರಿಂದ 12 ರವರೆಗೆ ನಡೆಯಲಿದ್ದು, ವಿವೇಕಾನಂದ ಕನ್ನಡ ಮಾಧ್ಯಮ ಶಾಲೆಯಲ್ಲಿ ಮೇ.9 ರಂದು ಉದ್ಘಾಟನೆಗೊಳ್ಳಲಿದೆ.
ನಾಲ್ಕು ದಿನಗಳ ಕಾಲ ನಡೆಯುವ ಯೊಗ ಪ್ರಶಿಕ್ಷಣ ಶಿಬಿರ 10 ರಿಂದ 16 ವರ್ಷದ ಮಕ್ಕಳ ವಿಭಾಗ ಹಾಗೂ 17 ರಿಂದ 55 ವರ್ಷದ ಸಾಮಾನ್ಯ ವಿಭಾಗ ಎಂಬ ಎರಡು ವಿಭಾಗಗಳಲ್ಲಿ ನಡೆಯಲಿದೆ.
ಮಕ್ಕಳ ವಿಭಾಗ ವಿವೇಕಾನಂದ ತೆಂಕಿಲ ಕನ್ನಡ ಮಾಧ್ಯಮ ಶಾಲೆ ಹಾಗೂ ಪೊಳಲಿ ಗುಡ್ಡೆ ಅಂಗಡಿ ಅರಳ ಓಂ ಜನಹಿತಾಯ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ನಡೆಯಲಿದ್ದು, ಸಾಮಾನ್ಯ ವಿಭಾಗ ಬಂಟ್ವಾಳ ಕಾವಳಮುದೂರು ಕಾರಿಂಜೇಶ್ವರ ದೇವಸ್ಥಾನದಲ್ಲಿ ನಡೆಯಲಿದೆ.
ಮೇ 9 ರಂದು ಯೋಗ ಶಿಬಿರದ ಉದ್ಘಾಟನೆ, ಭಜನೆ ಹಾಗೂ ಸತ್ಸಂಗ, 10 ರಂದು ಮಾತೃ ವಂದನಾ ಹಾಗೂ ಮಾತೃ ಭೋಜನ, 11 ರಂದು ಆರೋಗ್ಯದ ಕಡೆಗೆ ಯೋಗ ನಡಿಗೆ ಹಾಗೂ 12 ರಂದು ಸಮಾರೋಪ ಕಾರ್ಯಕ್ರಮ ನಡೆಯಲಿದೆ ಎಂದು ಎಸ್ ಪಿ ವೈ ಎಸ್ ಎಸ್ ಪ್ರಕಟಣೆಯಲ್ಲಿ ತಿಳಿಸಿದೆ.