- ಏರು ಹಾದಿಯಲ್ಲಿ ರಬ್ಬರ್, ಇಳಿಕೆ ಹಾದಿಯಲ್ಲಿ ಅಡಿಕೆ
ಪುತ್ತೂರು: ಶುಕ್ರವಾರದ ಮಾರುಕಟ್ಟೆ ಧಾರಣೆಯನ್ನು ಗಮನಿಸಿದರೆ, ಗುರುವಾರದ ಧಾರಣೆಯನ್ನೇ ಮುಂದುವರಿಸಿದಂತಿದೆ. ಗುರುವಾರ ಅಡಿಕೆ ಇಳಿಕೆ ಹಾದಿಯಲ್ಲಿದ್ದರೆ, ರಬ್ಬರ್ ಕೊಂಚ ಏರುಗತಿಯಲ್ಲಿತ್ತು. ಶುಕ್ರವಾರವೂ ಇದೇ ಹಾದಿ.
ಹೊಸಅಡಿಕೆ 325- 365 ರೂ., 5 ರೂ. ಇಳಿಕೆ ಕಂಡಿರುವ ಹಳೆ ಅಡಿಕೆ 380 -425 ರೂ. ಹಾಗೂ 425-430 ರೂ.ನಲ್ಲಿದೆ (ಗುಣಮಟ್ಟ). ಇನ್ನು ಕ್ರಮವಾಗಿ 2 ರೂ. ಹಾಗೂ 1 ರೂ. ಇಳಿಕೆ ಕಂಡಿರುವ ಡಬ್ಬಲ್ ಚೋಲ್ 390 – 468 ರೂ. ಹಾಗೂ 469- 485 ರೂ. (ಗುಣಮಟ್ಟ)ನಲ್ಲಿದೆ.
ಯಥಾಸ್ಥಿತಿ ಮಾರುಕಟ್ಟೆ ಧಾರಣೆ ಕಾಯ್ದುಕೊಂಡಿರುವ ಕಾಳು ಮೆಣಸು ಕೆ.ಜಿ.ಗೆ 315 – 585 ರೂ., ಒಣ ಕೊಕ್ಕೊ 215- 235 ರೂ., ಹಸಿ ಕೊಕ್ಕೊ 53- 58 ರೂ., ಕೊಬ್ಬರಿ 70-73 ರೂ.ನಲ್ಲಿದೆ.
ಇನ್ನೊಂದೆಡೆ ರಬ್ಬರ್ ಧಾರಣೆಯನ್ನು ಗಮನಿಸುವುದಾದರೆ 1 ರೂ. ಏರಿಕೆ ಕಂಡುಬಂದಿದ್ದು, ತುಸು ಗೆಲುವಿನ ನಗೆಯನ್ನು ಬೀರಿಸಿದೆ. ಶುಕ್ರವಾರ ರಬ್ಬರ್ ಆರ್.ಎಸ್.ಎಸ್4 146.00 ರೂ., ಆರ್.ಎಸ್.ಎಸ್ 5 137.00 ರೂ., ಲಾಟ್ 128.50 ರೂ., ಸ್ಕ್ರಾಪ್ 76.00 ರಿಂದ 86.00 ರೂ. ಇದೆ. ಗುರುವಾರ ರಬ್ಬರ್ ಆರ್.ಎಸ್.ಎಸ್4 145.00 ರೂ., ಆರ್.ಎಸ್.ಎಸ್ 5 136.50 ರೂ., ಲಾಟ್ 127.50 ರೂ., ಸ್ಕ್ರಾಪ್ 74.50 ರಿಂದ 84.50 ರೂ.ನಲ್ಲಿತ್ತು.