ಪುತ್ತೂರು: ಸಾರಕರೆ ಬೊಲಿಯಾಳ ಶ್ರೀ ಶೀನಪ್ಪ ಪೂಜಾರಿ ಮೇರ್ನ ಸ್ಮರಣಾರ್ಥವಾದ್ ಸಾಂಪ್ರಾದಾಯಿಕ ಕಂಬುಲ ಕೆಸರ ಕಂಡ ಕ್ರೀಡಾಕೂಟ ತಿಂಗಳಾಡಿ ಬಾಲಯ ಕಂಬಳ ಕೂಟೋದ ಲೋಹಿತ್ ಬಂಗೇರ ಉಂಬೆರೆನ ಮುತಾಲಿಕೆಡ್ ಕೆಸರ ಕಂಡೋಡು ಒಂಜಿದಿನ ಪೊರ್ಲ ಪೊಲಬು ಉಂದುವೆ ಐತಾರ ಆಟಿ ೨೮ ಪೋಪುನಾನಿ ಶ್ರೀ ಧರ್ಮರಸು ಉಳ್ಳಾಕುಳು ಚಾಕೋಟೆತ್ತಡಿ ಮಾಡ, ಮುಲ್ಪ ನಡೆಪಿಯರ ಉಂಡು.
ಗೊಬ್ಬುದ ಉದಿಪನೊನು ಸಿರಿಮತಿ ಆಶಾತಿಮ್ಮಪ್ಪ ಗೌಡ ನಡಪಾದ್ ಕೊರ್ಯರ ಉಲ್ಲೆರ್. ಮಿತ್ತರ್ಮೆದ ಬಾಮೋಡು ಲೇಸ್ ದ ಉದಿಪನೊನು ಕ್ಯಾಂಪ್ಕೊ ಲಿ. ದ ಮಾಜಿ ಗುರಿಕಾರ್ ಸಿರಿ ರಂಗಮೂರ್ತಿ ನಡಪಾದ್ ಕೊರಿಯರ ಉಲ್ಲೇರ್, ಈ ಲೇಸ್ಡ್ ಮಲ್ಲ ಬಿನ್ನೆರಾದ್ ಸಿರಿ ಮುರಳೀಕೃಷ್ಣ ಭಟ್, ಪೋಲೀಸ್ ಸಬ್ ಇನ್ ಸ್ಪೆಕ್ಟರ್ ಸಿರಿ ಸುಹಾಸ್ ಮೊಕುಲು ಪಾಲ್ ಪಡೆಯರ ಉಲ್ಲೆರ್. ಈ ಲೇಸ್ ದ ಸಬಿ ಚೀಪೆದಿಂಜಿ ಪೊರ್ಲ ಗಳಿಗೆನ್ ಪೊರ್ಲು ಮನ್ಪಿಯರಗಾದ್ ಕಂಬುಲದ ಗೋಣೆರೆನ ಬಲಿಪಾಟ, ನೆತ್ತೆರ್ ದಾನ, ಕೆಸರ ಜಾಲ್ಡ್ ನಮೂನೆ ನಮೂನೆದ ಪಿರಾಕ್ದ ಬೊಕ್ಕ ಪೊಸ ಗೊಬ್ಬುಲು ನಡೆಯಪಿರ ಉಂಡು. ಈ ಪೊರ್ತು ಪೊರ್ಲ ಗಳಿಗೆಡ್ ನಮ್ಮ ಸಮಾಜೋದ ವಿವಿಧ ಕ್ಷೇತ್ರೋಡು ಸಾಧನೆ ಮಂತಿನ ಸಾಧಕೆರೆನ್ ಗುರುತಿಸಾದ್ ಅಕ್ಲೆಗ್ ಮಾನಾದಿಗೆ ಮನ್ಪಿಯರ ಉಂಡು. ಮುಗಿತಲದ ಲೇಸ್ದ ಗುರ್ಕಾರ್ಮೆನ್ ಹಿಂದು ಮುಖಂಡೆರ್ ಸಿರಿ ಸತ್ಯಜಿತ್ ಸುರತ್ಕಲ್ ವಹಿಸೊನಿಯರ ಉಲ್ಲೆರ್. ಬಯ್ಯ ಪೊರ್ತು ಮಲ್ಲ ಬಿನ್ನೆರಾದ್ ಕಾಂತಾರ ಪಿಚ್ಚರ್ ದ ಕಲಾವಿದೆ ಬೊಕ್ಕ ಕಂಬುಲದ ತೀರ್ಪುಗಾರೆರ್ ಆಯಿನ ಸಿರಿ ರಾಜೀವ ರೈ ಯಡ್ತೂರು, ಪುತ್ತೂರು ತೋಟಗಾರಿಕಾ ನಿರ್ದೇಶಕೆರ್ ಸಿರಿಮತಿ ರೇಖಾ. ಎ, ಪುತ್ತಿಲ ಪರಿವಾರದ ಸಿರಿ ಅರುಣ್ ಕುಮಾರ್ ಪುತ್ತಿಲ, ಬೆಂಗಳೂರು ಹೈಕೋರ್ಟ್ ನ್ಯಾಯವಾದಿ ಸಿರಿ ಸಿ. ಎಂ. ರಾಜಣ್ಣ, ಸಿರಿ ಸಂತೋಷ್ ಕುಮಾರ್ ರೈ ನಳಿಲು, ಕೊಯಿಲ ಜಾನುವಾರು ತರಬೇತಿ ಕೇಂದ್ರದ ಪ್ರಭಾರ ನಿರ್ದೇಶಕೆರ್ ಆಯಿನಂಚಿನ ಡಾ. ಪ್ರಸನ್ನ ಹೆಬ್ಬಾರ್, ಸಿರಿ ದಿವಾಕರ ಬಂಗೇರ ಬೊಳಿಯಾಲ, ಮಾಜಿ ಗ್ರಾಮ ಪಂಚಾಯತ್ ಸದಸ್ಯೆರ್, ಬೊಕ್ಕ ನಿರ್ದೇಶಕೆರ್, ಪೆರ್ಲಂಪಾಡಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘ, ಪೆರ್ಲಂಪಾಡಿ, ಅಂತರಾಷ್ಟ್ರೀಯ ಕ್ರೀಡಾಪಟು ಅಶ್ವಥ್ ಕನ್ಯಾರ್, ಪ್ರವೀಣ್ ನಡುಕೂಟೇಲು, ವಿಜಯ ಕುಮಾರ್ ಕಂಗಿನಮನೆ, ನಿರಂಜನ್ ಶೆಟ್ಟಿ ಕೋಡಿಂಬಾಡಿ, ಸುರೇಶ್ ಗೌಡ ದೊಡ್ಡಮನೆ ಮೊಕುಲು ಮಾತೆರ್ಲ ಮಿತ್ತರ್ಮೇದ ಚಾವಡಿಡ್ ಪಾಲ್ ಪಡೆಯರ ಉಲ್ಲೇರ್.
ಈ ಪೊರ್ಲ ಲೇಸ್ಗ್ ನಿಕ್ಲೆನ್ ಮಾತೆರೆನ್ಲಾ ಮೋಕೇಡ್ ಲೆತ್ತ್ ಕೊಂಡಾಡೊಂದುಲೆರ್ ರೋಷನ್ ಬಂಗೇರ, ರೋಹಿತ್ ಬಂಗೇರ ಅಡಿಲು ಬೊಕ್ಕ ನಿತೀನ್ ಬಂಗೇರ ಅಬೀರ, ಸೊಲ್ಮೆಲು
