ಆಂಧ್ರ: ನಾಲ್ವರು ಪುಟ್ಟಮಕ್ಕಳು ಆಟ ಆಡಲು ಕಾರಿನೊಳಗೆ ಹೋಗಿ ಉಸಿರುಗಟ್ಟಿ ಮೃತಪಟ್ಟ ಘಟನೆ ಆಂಧ್ರ ಪ್ರದೇಶದ ವಿಜಯನಗರ ಜಿಲ್ಲೆಯಲ್ಲಿ ನಡೆದಿದೆ.
ಚಾರುಮತಿ (8), ಚರಿಷ್ಮಾ (6), ಮನಸ್ಸಿನಿ (6) ಹಾಗೂ ಉದಯ್ (8) ಮೃತ ಪುಟ್ಟ ಕಂದಮ್ಮಗಳು.
ಬೆಳಗ್ಗೆಯೇ ಆಟ ಆಡೋದಕ್ಕೆ ಹೋದ ಮಕ್ಕಳು ಎಷ್ಟು ಹೊತ್ತಾದ್ರೂ ಮನೆಗೆ ವಾಪಸ್‌ ಬರಲಿಲ್ಲ. ತಕ್ಷಣ ಪೋಷಕರು ಮಕ್ಕಳನ್ನು ಹುಡುಕುವ ಪ್ರಯತ್ನ ಮಾಡಿದ್ರು. ಹುಡುಕುತ್ತಾ ಹೊರಟವರಿಗೆ ಸಿಕ್ಕ ಕಾರಿನಲ್ಲಿ ತಮ್ಮದೇ ಕಂದಮ್ಮಗಳ ಮೃತ ದೇಹ ಕಂಡಿದ್ದಾರೆ.
ದ್ವಾರವೂಡಿಯ ಸರ್ಕಾರಿ ಕಛೇರಿ ಮುಂದೆ ನಿಂತಿದ್ದ ಕಾರು ಲಾಕ್ ಆಗಿರ್ಲಿಲ್ಲ. ಆಡುತ್ತಾ ಅಲ್ಲಿಗೆ ಬಂದ ಮಕ್ಕಳು ಕಾರಿನೊಳಕ್ಕೆ ಹತ್ತಿ ಕುಳಿತಿದ್ದಾರೆ. ಕೂಡಲೇ ಆ ಕಾರು ಲಾಕ್ ಆಗಿದೆ. ಕಾರು ಲಾಕ್ ಆದ ಕಾರಣ ಉಸಿರಾಡಲು ಆಸ್ಪದವಿಲ್ಲದೇ ಪ್ರಾಣ ಬಿಟ್ಟಿದ್ದಾರೆ. ಆ ದೃಶ್ಯ ನೋಡಿ ಪೋಷಕರು ಹೃದಯವೇ ಒಡೆದು ಹೋಗಿದೆ. ಮೃತರಲ್ಲಿ ಚಾರುಮತಿ, ಚರಿಷ್ಮಾ ಅಕ್ಕ ತಂಗಿ ಆಗಿದ್ದರು.
ui7qkr