ವೀರಮಂಗಲ : ಪಿಎಂಶ್ರೀ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ವೀರಮಂಗಲ ಇಲ್ಲಿನ ಶಾಲಾ ಮಕ್ಕಳಿಂದ ಸ್ವಚ್ಛತಾ ಜಾಗೃತಿ ಬೀದಿನಾಟಕ ಕಸದ ಕಷ್ಟ ವೀರಮಂಗಲದ ಆನಾಜೆ ಕಟ್ಟೆಯ ವಠಾರದಲ್ಲಿ ನಡೆಯಿತು. ನಮ್ಮ ಸಂಸ್ಕೃತಿ ಸ್ವಚ್ಛ ಸಂಸ್ಕೃತಿ ಎನ್ನುವ ಧ್ಯೇಯ ವಾಕ್ಯದೊಂದಿಗೆ ಶಾಲಾ ಮುಖ್ಯಗುರು ತಾರಾನಾಥ ಸವಣೂರು ಇವರ ನಿರ್ದೇಶನದ ಕಸದ ಕಷ್ಟ ಬೀದಿನಾಟಕ ಜನ ಮನ ತಲುಪಿತು.
ತಾಲೂಕು ಪಂಚಾಯತ್ ಕಾರ್ಯ ನಿರ್ವಹಣಾ ಧಿಕಾರಿ ನವೀನ್ ಭಂಡಾರಿ ಇವರು ಕಾರ್ಯಕ್ರಮವನ್ಮು ಉದ್ಘಾಟಿಸಿ ಮಾತನಾಟಡಿ, ಜೀವನದ ದಾರಿಯನ್ನು ಕಷ್ಟವಾಗಿಸುತ್ತಿರುವ ಸತ್ಯಗಳು ನಮ್ಮ ಕಣ್ಣಮುಂದಿವೆ. ಇದಕ್ಕೊಂದು ವಾಸ್ತವ ನಿದರ್ಶನ ನಾವು ಅನುಭವಿಸುತ್ತಿರುವ ಕಸದ ಕಷ್ಟ ಪ್ಲಾಸ್ಟಿಕ್, ಗಾಜು, ಸೀರಿಂಜ್, ಮಾತ್ರೆ, ಪಾಲಿಥಿನ್, ಪಾಲಿಸ್ಟರ್ ಹೀಗೆ ಕರಗದ ವಸ್ತುಗಳು ನಮ್ಮ ಬದುಕಿನ ನಡೆಗೆ ತಡೆಯಾಗುತ್ತಿದ್ದರೂ ನಾವು ಮಾತ್ರ ಅದನ್ನೇ ಒಪ್ಪಿಕೊಳ್ಳುತ್ತಿದ್ದೇವೆ. ಬದುಕಿನ ಅನಿವಾರ್ಯತೆಗಳ ನಡುವೆ ಕಸದ ಬಗ್ಗೆ ಮಾತನಾಡುವ ಅನಿವಾರ್ಯತೆಯನ್ನು ನಾವೇ ಸೃಷ್ಟಿಸಿಕೊಂಡಿದ್ದೇವೆ. ಸ್ವಚ್ಛ ಪುತ್ತೂರು ಈ ಪರಿಕಲ್ಪನೆಗೆ ವಿಶೇಷ ಮುತುವರ್ಜಿ ವಹಿಸಿ ಬೀದಿನಾಟಕದ ಮೂಲಕ ಸ್ವಚ್ಛ ಸಂಗತಿಗಳನ್ನು ದಾಟಿಸಿದ ಪಿಎಂಶ್ರೀ ವೀರಮಂಗಲ ಶಾಲೆಯ ಮುಖ್ಯಗುರುಗಳು, ಶಿಕ್ಷಕ ವೃಂದ, ಎಸ್ ಡಿ ಎಂ ಸಿ,ಪೋಷಕರು ವಿದ್ಯಾರ್ಥಿಗಳ ಅಭಿನಂದನಾರ್ಹರು ಎಂದು ನುಡಿದರು.
ಗ್ರಾಮ ಪಂಚಾಯತ್ ನರಿಮೊಗರು ಇದರ ಅಧ್ಯಕ್ಷರಾದ ಹರಿಣಿ ಅಧ್ಯಕ್ಷತೆ ವಹಿಸಿದ್ದರು. ಗ್ರಾಮ ಪಂ ಸದಸ್ಯರಾದ ವಸಂತಿ, ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ರವಿಚಂದ್ರ, ಅಕ್ಷರ ದಾಸೋಹ ಸಹಾಯಕ ನಿರ್ದೇಶಕ ವಿಷ್ಣುಪ್ರಸಾದ್, ನರಿಮೊಗರು ಕ್ಲಸ್ಟರ್ ಸಂಪನ್ಮೂಲ ವ್ಯಕ್ತಿ ಪರಮೇಶ್ವರಿ, ಎಸ್ ಡಿ ಎಂ ಸಿ ಅಧ್ಯಕ್ಷ ರವಿಚಂದ್ರ, ಹಿರಿಯ ವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ಗೋಪಾಲಕೃಷ್ಣ, ಎಸ್ ಡಿ ಎಂ ಸಿ ಉಪಾಧ್ಯಕ್ಷೆ ನವ್ಯ, ಆನಾಜೆ ಕಟ್ಟೆ ಸಮಿತಿಯ ಅಧ್ಯಕ್ಷ ಬೆಳಿಯಪ್ಪ ಗೌಡ, ವೀರಮಂಗಲ ಎಸ್ ಡಿ ಎಂ ಸಿ ಸದಸ್ಯರಾದ ರಮೇಶ್, ಹರೀಶ್ ಮಣ್ಣಗುಂಡಿ , ಸುರೇಶ್ ಗಂಡಿ, ರಝಾಕ್, ಅನುಪಮಾ, ಭವ್ಯ, ಸಂದೀಪ್ ಕಾಂತಿಲ, ಪೋಷಕರು, ಊರವರು, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯವರು, ಶ್ರೀ ವಿಷ್ಣು ಮೂರ್ತಿ ಸೇವಾ ಪ್ರತಿಷ್ಠಾನದವರು, ಮಹಿಳಾ ಮಂಡಲದ ಅಧ್ಯಕ್ಷರು, ಸರ್ವಸದಸ್ಯರು ಆಗಮಿಸಿದ್ದರು.
ಶಾಲಾ ಮುಖ್ಯಗುರು ತಾರಾನಾಥ ಸವಣೂರು ಕಾರ್ಯಕ್ರಮ ಸಂಘಟಿಸಿ ನಿರೂಪಿಸಿದರು. ಶಿಕ್ಷಕರಾದ ಶೋಭಾ, ಶ್ರೀಲತಾ, ಕವಿತಾ, ಶಿಲ್ಪರಾಣಿ, ಸೌಮ್ಯ ಉಪಸ್ಥಿತರಿದ್ದರು.ಮಕ್ಕಳಿಂದ ಬೃಹತ್ ಸ್ವಚ್ಛ ತಾ ಜಾಥಾ ಮತ್ತು ಬೀದಿನಾಟಕ ನಡೆಯಿತು.