ಪುತ್ತೂರು: ಹ್ಯಾಂಡ್‍ ಬಾಲ್‍ ನಲ್ಲಿ ಅಂತರಾಷ್ಟ್ರೀಯ ಮಟ್ಟಕ್ಕೆ ಆಯ್ಕೆಯಾದ ವಿದ್ಯಾರ್ಥಿಗಳಾದ ಮೋಕ್ಷಿತ್ ಹಾಗೂ ಧ್ಯಾನ್ ಅವರನ್ನು ಪ್ರತಿಷ್ಠಿತ ‘ಪ್ರೇರಣಾ’ ಸಂಸ್ಥೆಯಲ್ಲಿ ಶನಿವಾರ ಸನ್ಮಾನಿಸಲಾಯಿತು.
ಇಬ್ಬರು ಹ್ಯಾಂಡ್‍ ಬಾಲ್‍ ನಲ್ಲಿ ಕರ್ನಾಟಕ ತಂಡವನ್ನು ಪ್ರತಿನಿಧಿಸಿ ತಂಡ ಜಯಗಳಿಸಿ, ನೇಪಾಳದಲ್ಲಿ ನಡೆಯಲಿರುವ ಅಂತರಾಷ್ಟ್ರೀಯ ಮಟ್ಟವನ್ನು ಪ್ರತಿನಿಧಿಸಲಿದ್ದಾರೆ.
ಮೋಕ್ಷಿತ್ ವಿಟ್ಲ ಪ್ರಿ ಯುನಿವರ್ಸಿಟಿಯ ಕಾಲೇಜಿನ ದ್ವಿತೀಯ ಎಚ್‍ ಇಬಿಎ ವಿದ್ಯಾರ್ಥಿಯಾಗಿದ್ದು, ಕುಕ್ಕಿಲ ಕೊಡಪದವಿನ ರಾಮ ಹಾಗೂ ವಾಣಿ ದಂಪತಿ ಪುತ್ರ.
ಧ್ಯಾನ್ ವಿಟ್ಲ ಪ್ರಿ ಯುನಿವರ್ಸಿಟಿಯ ಕಾಲೇಜಿನ ದ್ವಿತೀಯ ಪಿಯುಸಿ ಎಸ್‍ ಇಬಿಎ ವಿದ್ಯಾರ್ಥಿಯಾಗಿದ್ದು, ಕುಕ್ಕಿಲ ಕೊಡಪದವಿನ ಲಕ್ಷ್ಮಣ ಹಾಗೂ ವನಿತಾ ದಂಪತಿ ಪುತ್ರ
ಈ ಸಂದರ್ಭದಲ್ಲಿ ಡಿಸಿಸಿ ಬ್ಯಾಂಕ್‍ ನ ಕೊರಗಪ್ಪ ಗೌಡ, ಮೋಕ್ಷಿತ್ ನ ಮಾತೃಶ್ರೀ ವಾಣಿ, ಪ್ರೇರಣಾ ಸಂಸ್ಥೆಯ ಆಡಳಿತ ನಿರ್ದೇಶಕ ಮುರಳೀಧರ ಕೆ.ಎನ್‍., ಕಾರ್ಯನಿರ್ವಾಹಕ ನಿರ್ದೇಶಕರಾದ ಮೋಕ್ಷಿತಾ ಮಿಥುನ್, ನಿರ್ದೇಶಕರಾದ ಪ್ರವೀಣ್‍ ಕುಂಟ್ಯಾನ, ವಸಂತ ವೀರಮಂಗಲ, ನಾಗೇಶ್‍ ಕೆಡೆಂಜಿ, ಪ್ರಬಂಧಕರಾದ ದಯಾಮಣಿ, ಸಿಬ್ಬಂದಿಗಳಾದ ರಕ್ಷಿತಾ, ಪ್ರತೀಕ್ಷಾ, ನ್ಯೂಸ್ ಪುತ್ತೂರಿನ ವಿನೋದ್‍ ಉಪಸ್ಥಿತರಿದ್ದರು.