ಪುತ್ತೂರು : ಕೆಮ್ಮಿಂಜೆ ಗ್ರಾಮದ ಪುತ್ತೂರಮೂಲೆ ಮತ್ತು ಕೆಮ್ಮಿಂಜೆ ಬೈಲು ಎಂಬಲ್ಲಿರುವ ಬೆದ್ರಾಳ ತೋಡಿಗೆ ಗುಡ್ಡೆ ಜರಿದ ಪರಿಣಾಮ ಪಕ್ಕದ ತೋಟಗಳಿಗೆ ನೀರು ನುಗ್ಗಿ ಜಲಾವೃತವಾಗಿದೆ.
ಬೆದ್ರಾಳ ತೋಡಿಗೆ ಗುಡ್ಡೆ ಕುಸಿದ ಪರಿಣಾಮ ನೀರು ಹರಿಯಲಾಗದೆ ಪಕ್ಕದ ಸುಬ್ರಹ್ಮಣ್ಯ ಬಳ್ಳಕ್ಕುರಾಯ, ಇಂಜಿನಿಯರ್ ಸಚಿನ್ ಹಾಗೂ ಮುತ್ತುಶೆಟ್ಟಿ ಸಹಿತ ಹಲವರ ತೋಟ ಜಲಾವೃತಗೊಂಡಿದೆ. ಪಕ್ಕದ ಯಶೋಧರ ಎಂಬವರ ಮನೆ ಅಪಾಯದ ಅಂಚಿನಲ್ಲಿದೆ.
ಸ್ಥಳಕ್ಕೆ ನಗರಸಭೆ ಸದಸ್ಯ ಬಾಲಚಂದ್ರ, ಪೌರಾಯುಕ್ತ ಮಧು ಎಸ್.ಮನೋಹರ್, ಅಧಿಕಾರಿಗಳು ತೆರಳಿದ್ದಾರೆ. ಆದರೂ ಸ್ಥಳಕ್ಕೆ ಜೆಸಿಬಿ ಕೊಂಡೊಯ್ಯಲು ರಸ್ತೆಯಿಲ್ಲ, ಮಾನವ ಶ್ರಮ ಅಸಾಧ್ಯ ಎಂಬಂತಾಗಿದೆ.
