ಪುತ್ತೂರು: ದ.ಕ.ಲೋಕಸಭಾ ಕ್ಷೇತ್ರದ ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿ ಕ್ಯಾಬ್ರಿಜೇಶ್ ಚೌಟ ಭರ್ಜರಿ ಗೆಲುವು ಸಾಧಿಸಿದ್ದು, ಪುತ್ತೂರು ವಿಧಾನಸಭಾ ಕ್ಷೇತ್ರದಲ್ಲಿ ಬಿಜೆಪಿಗೆ 28,690 ಮತಗಳ ಲೀಡ್ ಬಂದಿದೆ. ಈ ಪೈಕಿ ಹಿರೇಬಂಡಾಡಿ ಗ್ರಾಮದ ಬೂತ್ ಸಂಖ್ಯೆ 49 ರಲ್ಲಿ ಬಿಜೆಪಿಗೆ ಅತ್ಯಧಿಕ ಲೀಡ್ ಬಂದಿದೆ ಎಂದು ಮಾಜಿ ಶಾಸಕ ಸಂಜೀವ ಮಠಂದೂರು ತಿಳಿಸಿದ್ದಾರೆ.
ಹಿರೇಬಂಡಾಡಿ ಗ್ರಾಮದಲ್ಲಿ ಬೂತ್ ಸಂಖ್ಯೆ 47, 48, 49 ಇದ್ದು, ಈ ಬಾರಿ ಲೋಕಸಭೆ ಚುನಾವಣೆ ಸಂದರ್ಭದಲ್ಲಿ ಒಂದು ಬೂತ್ ಸಂಖ್ಯೆ ಜಾಸ್ತಿಯಾಗಿದೆ. ಈ ನಿಟ್ಟಿನಲ್ಲಿ ನಾನು ಬೂತ್ ಸಂಖ್ಯೆ 49 ರಲ್ಲಿ ಈ ಬಾರಿ ಮತ ಚಲಾಯಿಸಿದ್ದೇನೆ. ಈ ಬೂತ್ ನಲ್ಲಿ 590 ಮತಗಳ ಲೀಡ್ ಪಡೆದಿದೆ. ಹೆಚ್ಚುವರಿ ಬೂತ್ ಸಂಖ್ಯೆ 80 ರಲ್ಲಿ ಬಿಜೆಪಿಗೆ ಹಿನ್ನಡೆಯಾಗಿತ್ತು ಎಂದು ಅವರು ತಿಳಿಸಿದ್ದಾರೆ.
ಬೂತ್ ಸಂಖ್ಯೆ 49 ರಲ್ಲಿ 1371 ಮತಗಳ ಪೈಕಿ1198 ಮತ ಚಲಾವಣೆಯಾಗಿದ್ದು, ಬಿಜೆಪಿಗೆ 879, ಕಾಂಗ್ರೆಸ್‍ ಗೆ 289, ಬಹುಜನ ಸಮಾಜ ಪಾರ್ಟಿಗೆ 3, ಕರುನಾಡ ಸೇವಕರ ಪಾರ್ಟಿಗೆ 2, ಉತ್ತಮ ಪ್ರಜಾಕಿಯ ಪಾರ್ಟಿಗೆ 0, ಕರ್ನಾಟಕ ರಾಷ್ಟ್ರ ಸಮಿತಿಗೆ 1, ಇತರ ಪಕ್ಷೇತರ 10 ಹಾಗೂ ನೋಟಾಕ್ಕೆ 14 ಮತ ಚಲಾವಣೆಯಾಗಿದೆ ಎಂದು ಮಠಂದೂರು ತಿಳಿಸಿದ್ದಾರೆ.
