ಪುತ್ತೂರು : ಅನ್ಯಕೋಮಿನ ವ್ಯಕ್ತಿಯ ಕಾರಿನಲ್ಲಿ ತನ್ನ ಹೆಂಡತಿ ಇರುವುದನ್ನು ಪ್ರಶ್ನಿಸಿದ್ದಕ್ಕೆ ವ್ಯಕ್ತಿಯೋರ್ವರ ಮೇಲೆ ಹಲ್ಲೆ ನಡೆಸಿರುವುದಾಗಿ ಆರೋಪಿಸಿ ದೂರು ನೀಡಲಾಗಿದೆ.
ಪುತ್ತೂರು ಕೆಮ್ಮಾಯಿ ನಿವಾಸಿ ಸುರೇಶ್ ಭಟ್ ಎಂಬವರು ನೀಡಿರುವ ದೂರಿನ ಮೇರೆಗೆ ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಸುರೇಶ್ ಅವರು ಏ.10 ರಂದು ಉಡುಪಿಯಲ್ಲಿರುವ ಸ್ನೇಹಿತರನ್ನು ಮಾತನಾಡಿಸಲು ಹೋಗಿ ಪುತ್ತೂರಿಗೆ ಹಿಂತಿರುಗುತ್ತಿದ್ದ ವೇಳೆ ಕಂಬದಕೋಣೆ ಗ್ರಾಮದ ರೈಲ್ವೇ ಗೇಟಿನ ಬಳಿ ಬರುವಾಗ ರೈಲ್ವೇ ಗೇಟ್ ಹಾಕಿರುವುದರಿಂದ ಕಾರನ್ನು ನಿಲ್ಲಿಸಿದಾಗ ಸುರೇಶ್ ಅವರ ಪತ್ನಿ ಪರಿಚಯದ ಸಿರಾಜುದ್ದೀನ್ ಎಂಬವರೊಂದಿಗೆ ಕಾರಿನಲ್ಲಿ ಇರುವುದು ಕಂಡು ಬಂದಿದ್ದು, ಕಾರಿನ ಬಳಿ ಹೋಗಿ ಸಿರಾಜುದ್ದೀನ್ ನಲ್ಲಿ ನೀನು ಯಾಕೆ ನನ್ನ ಹೆಂಡತಿಯೊಂದಿಗೆ ತಿರುಗಾಡುತ್ತಿರುವೆ ಎಂದು ಕೇಳಿದಾಗ ಆತನು ಏಕಾಏಕಿ ಇದನ್ನು ಕೇಳಲು ನೀನು ಯಾರು ಎಂದು ಅವಾಚ್ಯವಾಗಿ ಬೈದಿದ್ದು, ಬಳಿಕ ಹಲ್ಲೆ ನಡೆಸಿದ್ದು, ಜೀವ ಬೆದರಿಕೆ ಹಾಕಿ ತೆರಳಿರುತ್ತಾರೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.
