ಮಂಗಳೂರು: ಕೆದಂಬಾಡಿ ರಾಮಯ್ಯ ಗೌಡ ಸ್ಮಾರಕ ಸ್ಥಾಪನಾ ಸಮಿತಿ ಹಾಗೂ ಮಂಗಳೂರು ತುಳುನಾಡ ರಕ್ಷಣಾ ವೇದಿಕೆ ಸಹಭಾಗಿತ್ವದಲ್ಲಿ ತುಳುನಾಡಿನ ವೀರ ರೈತರಿಂದ ನಡೆದ ಸ್ವಾತಂತ್ರ್ಯ ಸಂಗ್ರಾಮ “ತುಳುನಾಡ ಅಮರ ಸುಳ್ಯ ಸಮರ-1837” ಸಂಸ್ಮರಣೆ ಹಾಗೂ ವಿಜಯ ದಿನಾಚರಣೆ ಮಂಗಳೂರಿನ ಬಾವುಟಗುಡ್ಡೆಯಲ್ಲಿ ನಡೆಯಿತು.
ಶ್ರೀ ಆದಿಚುಂಚನಗಿರಿ ಮಂಗಳೂರು ಶಾಖಾ ಮಠದ ಶ್ರೀ. ಡಾ.ಧರ್ಮಪಾಲನಾಥ ಸ್ವಾಮೀಜಿಯವರು ಕೆದಂಬಾಡಿ ರಾಮಯ್ಯ ಗೌಡ ಪ್ರತಿಮೆಗೆ ಪುಷ್ಪಾರ್ಚನೆ ಸಲ್ಲಿಸುವ ಮೂಲಕ ಗೌರವ ವಂದನೆ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಪ್ರಮುಖರಾದ ಡಿ.ಬಿ.ಬಾಲಕೃಷ್ಣ, ಕಿರಣ್ ಬುಡ್ಲೆಗುತ್ತು, ಯೋಗೀಶ್ ಶೆಟ್ಟಿ ಜೆಪ್ಪು, ಭಾಸ್ಕರ ದೇವಸ್ಯ, ರಕ್ಷಿತ್ ಪುತ್ತಿಲ, ಕಿರಣ್ ಹೊಸೊಳಿಕೆ, ಮಹೇಶ್ ನಡುತೋಟ, ಆನಂದ ಪಿ., ಎಚ್‍.ಸುನೀಲ್‍ ಕೇರ್ನಡ್ಕ, ಶಾಂತಪ್ಪ ಯು., ನರೇಶ್‍ ಬೈಲು, ಶಿವರಾಮ ಗೌಡ ನಿನ್ನಿಕಲ್ಲು, ಮಹೇಶ್ ಮೊಂಟಡ್ಕ, ಗಣೇಶ್‍ ಕಳಾಯಿ, ಪುರುಷೋತ್ತಮ ದೇವಸ್ಯ, ಸುಂದರ ಬಿ., ಕಲಾವತಿ, ಜಯಶ್ರೀ, ಡಾ.ಅರುಣ ಸೇರಿದಂತೆ ಮತ್ತಿತರ ಹಲವಾರು ಮಂದಿ ಉಪಸ್ಥಿತರಿದ್ದರು. ಈ ಸಂದರ್ಭದಲ್ಲಿ ಚಿತ್ರಕಲಾ ಸ್ಪರ್ಧೆ, ರಸಪ್ರಶ್ನೆ ಸ್ಪರ್ಧೆ ನಡೆಯಿತು
