ಕಾಣಿಯೂರು: ಚಾರ್ವಾಕ ಗ್ರಾಮದ ದೈಪಿಲದಲ್ಲಿ ಶ್ರೀ ಕ್ಷೇತ್ರ ದೈಪಿಲ, ಸೇವಾ ಪ್ರತಿಷ್ಠಾನದ ವತಿಯಿಂದ ಶ್ರೀ ಶಿರಾಡಿ ರಾಜನ್ ದೈವ ಹಾಗೂ ಚಕ್ರವರ್ತಿ ಕೊಡಮಣಿತ್ತಾಯ ದೈವಗಳ ನೇಮೋತ್ಸವ ನಡೆಯುತ್ತಿದೆ.
ತಾ.7ರಂದು ಶ್ರೀ ಸ್ಥಾನದಲ್ಲಿ ಸ್ಥಳ ಶುದ್ಧಿ ಹಾಗೂ ಗಣಹೋಮ, ರಾತ್ರಿ ಗಂಟೆ 8ಕ್ಕೆ ಕೊಪ್ಪದಿಂದ ಭಂಡಾರ ತೆಗೆದು ಇಂದು ಬೆಳಗ್ಗೆ ಶ್ರೀ ಶಿರಾಡಿ ರಾಜನ್ ದೈವ ಹಾಗೂ ಚಕ್ರವರ್ತಿ ಕೊಡಮಣಿತ್ತಾಯ ದೈವದ ನೇಮೋತ್ಸವ ನಡೆಯುತ್ತಿದ್ದು , ಸೇವೆಗಳು ಸಹಿತ ಹರಕೆ ಒಪ್ಪಿಸುವಂತೆ ಭಕ್ತಾದಿಗಳು 12 ಗಂಟೆಗೆ ಮುಂಚಿತವಾಗಿ ಬಂದು ಹರಕೆ ಒಪ್ಪಿಸಬಹುದು. ನಂತರ ಗಂಟೆ 12 ಕ್ಕೆ ಅನ್ನ ಸಂತರ್ಪಣೆ ಜರಗಲಿರುವುದು.
ಅರುವ ಗುತ್ತಿನ ಯಜಮಾನರಾದ ಪ್ರದೀಪ್ ಆರ್. ಗೌಡ ಮತ್ತು ನಾಲ್ಕು ಮನೆಯವರಾದ ಗೌಡ ಮನೆ, ಅಂಬುಲ, ಬೈಲು,ಕಂಡಿಗ ಮತ್ತು 13 ವರ್ಗದವರು ಮತ್ತು ಕೊಪ್ಪ 30 ಮನೆಯವರು ಮತ್ತು ಊರವರ ನೇತೃತ್ವದಲ್ಲಿ ವಿಜ್ರಂಭಣೆಯಿಂದ ನೇಮೋತ್ಸವ ನಡೆಯುತ್ತಿದೆ.
