ಕಡಬ: ಕಳೆ ಕೀಳುವ ವೇಳೆ ಸಹೋದರರೊಳಗೆ ಗಲಾಟೆ ನಡೆದು ಹಲ್ಲೆ ನಡೆದ ಘಟನೆ ಕಡಬದಲ್ಲಿ ಭಾನುವಾರ ನಡೆದಿದೆ.
ವಸಂತ ಹಾಗೂ ಪತ್ನಿ ಹೇಮಲತಾ ಹಲ್ಲೆ ನಡೆಸಿದ ಆರೋಪಿಗಳೆಂದು ಗುರುತಿಸಲಾಗಿದೆ.
ರೆಂಜಿಲಾಡಿ ಗ್ರಾಮದ ಗಂಗಾಧರ ಎಂಬವರು ತಮ್ಮ ಮನೆಯ ಎದುರು ಕಳೆಯನ್ನು ಮೆಷಿನ್‍ನಲ್ಲಿ ತೆಗೆಯುತ್ತಿದ್ದ ವೇಳೆ ಅವರ ಅಣ್ಣ ವಸಂತ ಸ್ಥಳಕ್ಕೆ ಬಂದು ಆಕ್ಷೇಪ ವ್ಯಕ್ತಪಡಿಸಿ ಮೆಷಿನನ್ನು ಎಳೆದು ಗಂಗಾಧರ ಹಾಗೂ ಪತ್ನಿ ಗುಣಶ್ರೀ ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ಹೇಳಲಾಗಿದೆ. ಈ ಸಂದರ್ಭ ವಸಂತ ಅವರ ಪತ್ನಿ ಹೇಮಲತಾ ಜೀವ ಬೆದರಿಕೆ ಹಾಕಿದ್ದಾರೆನ್ನಲಾಗಿದೆ.
ಈ ಕುರಿತು ಕಡಬ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.