ಬೆಳಂದೂರು: ಅಂತರ್ ಕಾಲೇಜು ತುಳು ಐಸಿರೊ 2023 ತುಳು ವೈವಿಧ್ಯ ಸ್ಪರ್ಧೆಯ ಮೋನೆಗ್ ಅರದಲ ವಿಭಾಗದಲ್ಲಿ ಬೆಳಂದೂರು ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ದೇವಿ ಪ್ರಸಾದ್ ಹಾಗೂ ಸಚಿನ್ ಪಿ. ಪ್ರಥಮ ಸ್ಥಾನ ಪಡೆದುಕೊಂಡಿದ್ದಾರೆ.
ಮೋನೆಗ್ ಅರದಲ ವಿಭಾಗದಲ್ಲಿ ಯಕ್ಷಗಾನದ ಹಾಸ್ಯ ಮುಖವರ್ಣಿಕೆ ಎನ್ನುವ ವಿಷಯ ನೀಡಲಾಗಿತ್ತು. ದೇವಿ ಪ್ರಸಾದ್ ಹಾಗೂ ಸಚಿನ್ ಪಿ. ಅವರಿಗೆ ಕಾಲೇಜಿನ ಸಾಂಸ್ಕೃತಿಕ ಸಂಚಾಲಕಿ ದೀಪ್ತಿ ಎ.ಸಿ. ಮಾರ್ಗದರ್ಶನ ನೀಡಿದ್ದರು.
ಮಂಗಳೂರಿನ ರಥಬೀದಿಯಲ್ಲಿರುವ ಡಾ| ಪಿ. ದಯಾನಂದ ಪೈ – ಪಿ ಸತೀಶ ಪೈ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಸ್ಪರ್ಧೆ ನಡೆದಿದ್ದು, ಬೆಳಂದೂರು ಸರಕಾರಿ ಕಾಲೇಜಿನ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.
