ಪುತ್ತೂರು: ಪುತ್ತೂರಿನಿಂದ ಪಂಜಕ್ಕೆ ತೆರಳುತ್ತಿದ್ದ ಕೆ.ಎಸ್.ಆರ್.ಟಿ.ಸಿ. ಬಸ್ ರಸ್ತೆ ಬದಿಯ ಹೊಂಡದಲ್ಲಿ ಜಖಂಗೊಂಡ ಘಟನೆ ಸರ್ವೆಯಲ್ಲಿ ಸೋಮವಾರ ಸಂಜೆ ನಡೆದಿದೆ.
ಘಟನೆಯಿಂದ ಮೂವರಿಗೆ ಗಾಯವಾಗಿದ್ದು, ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ನೀಡಲಾಗಿದೆ.
ಜಲಜೀವನ್ ಮಿಷನ್ ಯೋಜನೆಗಾಗಿ ಹೊಂಡ ಅಗೆದು ಕಾಮಗಾರಿ ಬಳಿಕ ಮುಚ್ಚಲಾಗಿತ್ತು. ಮಳೆ ಬಂದ ಕಾರಣ ಮಣ್ಣು ಮೆತ್ತಗಾಗಿತ್ತು. ಇದರ ಮೇಲೆ ಬಸ್ ಹೋಗುತ್ತಿದ್ದಂತೆ, ಬಸ್ ಹೂತು ಹೋಗಿ ಜಖಂಗೊಂಡಿತ್ತು.
ಎದುರಿನಿಂದ ಬಂದ ವಾಹನವೊಂದಕ್ಕೆ ಸೈಡ್ ಕೊಡಲು ಹೋದಾಗ ಘಟನೆ ನಡೆದಿದೆ ಎಂದು ಹೇಳಲಾಗಿದೆ. ಬಳಿಕ ಪ್ರಯಾಣಿಕರನ್ನು ಬೇರೆ ವಾಹನದಲ್ಲಿ ಕಳುಹಿಸಿಕೊಡಲಾಯಿತು.