ಪುತ್ತೂರು: ವಿದ್ವಾನ್‌ ಕಾಂಚನ ಎ ಈಶ್ವರ ಭಟ್‌ ಇವರ ನೇತೃತ್ವದಲ್ಲಿ ನಡೆದುಕೊಂಡು ಬರುತ್ತಿರುವ ಸುನಾದ ಯುವದನಿ ಸರಣಿ ಕಾರ್ಯಕ್ರಮ ತನ್ನ 20ನೇ ವರ್ಷದ “ಸುನಾದ ಯುವದನಿ- ವಿಂಶತಿ ಸಂಭ್ರಮ”ವನ್ನು ಪುತ್ತೂರಿನ ಸುನಾದ ಸಭಾಂಗಣದಲ್ಲಿ ಆಚರಿಸಿಕೊಂಡಿತು.
ಸಂಭ್ರಮದ ಅಂಗವಾಗಿ ಕರ್ನಾಟಕ ಶಾಸ್ತ್ರೀಯ ಸಂಗೀತ ಕಛೇರಿಯನ್ನು ವಿದ್ವಾನ್‌ ಶ್ರೀಹರಿ ಭಟ್‌ ಎನ್‌ ಎಚ್‌ ಅವರು ನಡೆಸಿಕೊಟ್ಟರು. ವಯಲಿನ್‌ ನಲ್ಲಿ ವಿದ್ವಾನ್‌ ವೇಣುಗೋಪಾಲ್‌ ಶ್ಯಾನುಭೋಗ್‌, ಮೃದಂಗದಲ್ಲಿ ಡಾ.ಅಕ್ಷಯ ನಾರಾಯಣ ಕಾಂಚನ ಸಹಕರಿಸಿದರು.
ಕಛೇರಿಯ ಬಳಿಕ ಸುನಾದದ ಶಿಷ್ಯವೃಂದ ದೃಶ್ಯಕಾವ್ಯ, ಗಾನಕಲಾಕುಂಚ ಹಾಗು ಗುರುವಂದನೆಯನ್ನು ನಡೆಸಿಕೊಟ್ಟರು. ವಿದುಷಿ ಮಾಲತಿ ಡಿ ಹಾಗು ದೀಕ್ಷಿತ್‌ ಕುಮಾರ್‌ ಕಾರ್ಯಕ್ರಮ ನಿರ್ವಹಿಸಿದರು.
