ಪುತ್ತೂರು: 2022-23 ನೇ ಸಾಲಿನ ಬೀಡಿ ಕಾರ್ಮಿಕರ ಬೋನಸ್ ಬಿಡುಗಡೆಯಾಗಿದ್ದು ರಜಾಸಂಬಳ, ಹಬ್ಬದ ರಜಾ ಸಂಬಳ, ಸೇರಿ ಒಟ್ಟು ಸಾವಿರ ಬೀಡಿಗೆ ರೂ 38.15 ಕಾರ್ಮಿಕರಿಗೆ ಸಿಗಲಿದೆ ಎಂದು ಪುತ್ತೂರು ತಾಲೂಕು ಬೀಡಿ ಕೆಲಸಗಾರ ಸಂಘದ ಅದ್ಯಕ್ಷ ಗುಡ್ಡಪ್ಪ ಗೌಡ, ಕಾರ್ಯದರ್ಶಿ ಬಿ.ಎಂ.ಭಟ್‌, ಮುಖಂಡರಾದ ಪಿಕೆ ಸತೀಶನ್‌, ಈಶ್ವರಿ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಈವರ್ಷದ ಬೋನಸ್ 8.33 % ನಂತೆ ರೂ 19.35 , ರಜಾ ಸಂಬಳ 5 % ನಂತೆ ರೂ. 11.61 , ಹಬ್ಬದ ರಜಾಸಂಬಳ 3.10 % ನಂತೆ ರೂ 7.19 ಒಟ್ಟು ಪ್ರತಿ ಸಾವಿರ ಬೀಡಿಗೆ ರೂ 38.15 ಸಿಗಲಿದೆ., ಈ ಬೋನಸ್ ಹಣ ಸಿಗದಿದ್ದಲ್ಲಿ ಕಡಿಮೆ ಬೋನಸ್ ವಿರತರಣೆ ಆದಲ್ಲಿ ಬೋನಸ್ ಪಡೆದುಕೊಳ್ಳದೆ ತಕ್ಷಣ ಸಂಘದ ಗಮನಕ್ಕೆ ತರಬೇಕೆಂದೂ, ಸಂಘ ಪೂರ್ತಿ ಬೋನಸ್ ತೆಗೆದು ಕೊಡಿಸುವುದಾಗಿ ಅವರು ಬೀಡಿ ಕಾರ್ಮಿಕರಿಗೆ ಕರೆ ನೀಡಿದರು. 1 ಲಕ್ಷ ಬೀಡಿಗೆ ಬೋನಸ್ ಒಟ್ಟು ರೂ 3,815 ಆಗುತ್ತದೆ ಎಂದವರು ತಿಳಿಸಿದರು.
ಸಂಪರ್ಕ ನಂಬ್ರ 9448155980, 8792591538 ಕ್ಕೆ ಪೋನ್‌ ಮಾಡಿ ತಿಳಿಸಬಹುದು. ಬೀಡಿ ಕಾರ್ಮಿಕರಿಗೆ ಬೀಡಿ ಮಾಲಕರು ನೀಡುವ ವೇತನವೂ ಪ್ರತಿ ಸಾವಿರಬೀಡಿಗೆ ರೂ. 252.34 ಇದ್ದು ಇದರಿಂದ ಪಿ.ಎಫ್‌ ಕಡಿತಗೊಂಡು ಸಾವಿರ ಬೀಡಿಗೆ ರೂ 227.34 ರಂತೆ ಕಾರ್ಮಿಕರ ಹಸ್ತ ವೇತನ ಸಿಗುತ್ತಿದೆ ತಿಳಿಸಿದ್ದಾರೆ.
