ಪತ್ತನಂತಿಟ್ಟ : ಶಬರಿಮಲೆ ಯಾತ್ರಿಕರಿದ್ದ ವ್ಯಾನ್‌ ಆಳವಾದ ಕಂದಕಕ್ಕೆ ಉರುಳಿ ಬಿದ್ದು ಎಂಟು ಮಂದಿ ಮೃತಪಟ್ಟು ಇಬ್ಬರು ಗಾಯಗೊಂಡಿರುವ ಘಟನೆ ನಿನ್ನೆ ರಾತ್ರಿ ಸಂಭವಿಸಿದೆ.
ತೇಕ್ಕಡಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಕುಮಿಲಿ-ಕುಂಭಂ ಮಾರ್ಗದಲ್ಲಿ ತಮಿಳುನಾಡಿಗೆ ನೀರು ಸಾಗಿಸುವ ಪೈಪ್‌ಲೈನ್‌ ಬಳಿರಾತ್ರಿ 11 ಗಂಟೆಗೆ ಈ ಆಪಘಾತ ಸಂಭವಿಸಿದೆ. ವಿಪರೀತ ವೇಗ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ.
ಶಬರಿಮಲೆ ದರ್ಶನ ಮುಗಿಸಿ ವಾಪಸಾಗುತ್ತಿದ್ದ ತೇಣಿ-ಅಂಡಿಪಟ್ಟಿಯ ಭಕ್ತರು ಈ ವ್ಯಾನಿನಲ್ಲಿದ್ದರು. ಗಾಯಾಳುಗಳಲ್ಲಿ ಒಂದು ಮಗುವೂ ಸೇರಿದೆ.
